VOV4.K'Ho- Drim òr (30/06), tàm ƀòn dờng Hải Phóng, Thủ tướng Cíñ phủ ồng Phạm Minh Chính tus Pơrjum yal Jơnau lơh nền tàm pơrjum, Jơnau lơh nền bơh Dà lơgar bal mờ ƀòn dờng dê bè broă tơmŭt bal mpồl lơh broă sră nggal kấp càr, kấp sàh, tơn jơh lơh broă mpồl lơh broă sră pơ-àr gơnoar atbồ kấp kơnhoàl, crơng gơs mpồl đảng, sồr pồ kấp ủy, Mpồl duh broă Làng bol, Anih duh broă Làng bol, Anih duh broă Mặt trận Dà lơgar Việt Nam ƀòn dờng, sàh, sơnah ƀòn, tiah is ồn.

VOV4.K’Ho- Drim òr (30/06), tàm sơnah ƀòn Xuân Hương – Dà Làc, càr Lâm Đồng pa, Kwang bàng Ƀộ Cíñ trị, Phó Thủ tướng Duh broă sùm ồng Nguyễn Hoà Bình neh tus bal Dơ̆ yal tơmut Mpồl lơh broă sră pơ àr gơnoar atbồ kấp càr, kấp sàh; tơn jơh lơh broă mpồl lơh broă sră pơ àr gơnoar atbồ kấp kơnhoàl (mờ ndrờm bal); tơnggơs mpồl Đảng, sồr kấp ủy, Mpồl duh broă Làng bol, Anih duh broă Làng bol, Anih duh broă Mặt trận Dà lơgar Việt Nam càr, sàh, sơnah ƀòn mờ tiah is ồn.

VOV4.K' Ho- Tổng Ƀí thư ồng Tô Lâm neh jơh nùs jàu Jơnau lơh nền bơh Ƀộ Cíñ trị dê sồr ồng Nguyễn Văn Nên, Kwang bàng Ƀộ Cíñ trị, Ƀí thư Thàñ ủy ƀòn dờng Hồ Chí Minh at gơnoar broă Ƀí thư Thàñ ủy ƀòn dờng Hồ Chí Minh tơnơ̆ tŭ tơmŭt bal.

VOV4.K’Ho- Drim òr (30/06), tàm Ƀlàng dờng ngai 10 nhai 03, ƀòn dờng Buôn Ma Thuột, càr Dăk Lăk geh bơyai lơh Dơ̆ yal Jơnau lơh nền tàm pơrjum mờ ală Jơnau lơh nền kwơ màng bơh Dà lơgar dê, ngan ngồn tơmŭt bal 2 càr Dăk Lăk mờ Phú Yên, gơs càr Dăk Lăk pa, mơkung yal broă tơnggơs mpồl Đảng, gơnoar atbồ, Mặt trận mờ mpồl cau ală kấp.

VOV4.K’Ho- Ngai do, 30/06, ală tiah tàm jơh gùt lơgar dồ ròt bal bơyai lơh dơ̆ yal, jàu ală Jơnau lơh nền bè bơyai lơh ală anih lơh broă gơnoar atbồ 2 kấp tơnơ̆ tŭ rơndăp tăp sèng, tơmŭt bal. Ală kwang đơng lam bồ Đảng, Dà lơgar neh jơh nùs tus bal dơ̆ yal tàm ală tiah dê.

VOV4.K'Ho- Drim òr (29/06), tàm Hìu lơh broă Cíñ phủ, Thủ tướng ồng Phạm Minh Chính neh wă ồng Maeda Tadashi – Củ tịc Mpồl duh broă đơng lam Anih priă jền Lơh broă bal ală lơgar lơgar Ñờk (JBIC).

VOV4.K'Ho- Lài mờ dơ̆ Pơrjum yal crơng gơs càr pa tàm ngai 30 nhai 6 mờ mùl màl mŭt lơh broă bơh ngai 01 nhai 7, kwang bàng tàm càr Phú Yên, Gia Lai, Kon Tum neh tus ală anih lơh broă sră nggal càr pa tàm Dăk Lăk, Gia Lai, Quảng Ngãi nàng lơh ală kơnòl broă sơnrờp ngan.

VOV4.K'Ho- Drim òr (29/06), tàm sàh N’Thôn Hạ, kơnhoàl Đức Trọng, Anih duh broă Làng bol càr Lâm Đồng bal mờ Phó Thủ tướng Duh broă sùm Cíñ phủ ồng Nguyễn Hoà Bình neh tus sơn đờm mŭt lơh gùng rơndeh lòt mhar Bảo Lộc – Liang Khàng (tơngai sơnrờp).

VOV4.K'Ho- Mho òr (29/06), tàm broă lơh tàm ƀòn dờng Hồ Chí Minh, Tổng Ƀí thư ồng Tô Lâm neh lòt sền broă lơh gơnoar atbồ bàr kấp tàm sơnah ƀòn Xuân Hoà mờ sàh Tân Vĩnh Lộc.

VOV4.K'Ho- Càr Dăk Lăk (tơmut bal bơh càr Phú Yên mờ càr Dăk Lăk) geh bă ù ơnàng rlau 18 rbô kơi sồ vuông, khà kờp làng bol 3 tơlak 300 rbô nă cau.