Mho ngai 19/10, tàm Cần Thơ, Thủ tướng Cíñ phủ ồng Phạm Minh Chính đơng lam pơrjum bè bơta lam lơh ală rơndăp broă lơh gùng rơndeh lòt mhar tiah ring dà dờng Cửu Long. Tŭ do tàm tiah do geh 5 rơndăp broă lơh gùng rơndeh lòt mhar mờ kờp jơh bơta jòng rlau 200 kơi sồ kờp dŭ lơh sir nam 2025 ndrờm gàr niam di tŭ tơngai, ală bơta kal ke, kòl yan sền bal là neh geh tă bơsong. Bàr rơndăp broă lơh Cao Lãnh - Lộ Tẻ mờ Lộ Tẻ - Rạch Sỏi (pơgăp 80 kơi sồ) rơ̆p lơh sir tơn tàm nhai 10 do. Ală Ƀộ, gah broă, ală tiah neh rcang tàm pơnring phan bơna bơt bơtàu, lơh sir broă ai mat ù, tiah ơm kis pa.

Thủ tướng sồr bơh tŭ do tus lồi nam pal lơh ngan lơh sir, geh tŭ sơrlèt gan tŭ tơngai lơh ală rơndăp broă lơh gùng rơndeh lòt mhar tiah ring dà dờng Cửu Long, sền do là “jơnau  sồr bơh plai nùs dê” mờ geh kơnòl mờ ù tiah tiah ring dà dờng. Ală rơndăp broă lơh pal lơh jat niam broă mòn lơh, gàr niam bơta kơnhăp, lơngăp lơngai lơh broă mờ sền gàr tiah ơm kis, pơgồp bơnah bơtàu tơnguh mhar, kơnhăp kơ̆ tiah ring dà dờng Cửu Long.