Lơh jăt Jơnau lơh nền tàm pơrjum sồ 57 bơh Ƀộ Cíñ trị dê bè tam gơl sồ, càr Gia Lai tơrgùm tơnguh bơta pràn phan bơna tàm ală tiah mờ rơcang tơl bơta ngăc ngar sồ ai kwang bàng, kông cứk, viên cứk, cau lơh broă mờ làng bol, tàm hơ̆ uă ngan là tàm tiah ngài, tiah làng bol jơi bơtiàn ờ gal cau.

Tus tŭ do, broă tam gơl sồ neh lơh geh uă cồng nha niam. Bơh ngai 1 nhai 7, Anih duh broă Làng bol càr Gia Lai neh lơh gơs broă ai hìu lơh broă, phan lơh broă, gùng che inretnet tàm 135 sàh, sơnah ƀòn tơnơ̆ tơmŭt bal, gàr tơl broă dờp, bơsong sră nggal geh sùm ai làng bol in. Mpồl lơh broă măi mok sồ mpồl bơtiàn geh lơh broă sùm tàm jơh ală sàh, sơnah ƀòn, càr Gia Lai dong kờl kwang bàng lơh broă dùl mpồng mờ bơto sồr làng bol ngui broă lơh drơng ala sồ. broă lơh jăt ndrờm bal neh lơh geh tam gơl loh làng tàm broă atbồ, lơh niam sră nggal, mờ tơnguh uă jơnau git wă sồ tàm mpồl bơtiàn, lơh pràn broă tam gơl sồ tơl ală bơta.