Drim do (20/10), tàm Hìu lơh broă Quôk hội, Dơ̆ pơrjum dơ̆ 10, Quôk hội khoă XV ngan ngồn sơn đờm lơh mờ kờp dŭ tơn jơh tàm ngai 11/12/2025. Do là dơ̆ pơrjum dut ndơl bơh Quôk hội khoă XV dê mờ kờp jơh tŭ tơngai lơh broă mờr 40 ngai, kờp dŭ sền swì, ring bal 49 rơndap lơh adat boh lam.

Tơnơ̆ jơnau đơs sơn đờm mut pơrjum bơh Củ tịc Quôk hội ồng Trần Thanh Mẫn dê, Quôk hội iat Cíñ phủ yal Jơnau yal bè cồng nha lam lơh broă rơndap lơh bơtàu tơnguh lơh sa mpồl bơtiàn nam 2025, 5 nam bơh nam 2021 tus nam 2025 mờ kờp dŭ broă rơndap lơh nam 2026. Anih duh broă Mặt trận dà lơgar Việt Nam yal Jơnau yal tơrgùm jơnau đơs, jơnau dan bơh cau tĕ khà mờ làng bol dê pơyua tus dơ̆ pơrjum in. Dơ̆ pơrjum do ờ bơyai lơh lùp mờ hơ jơnau lùp tàm hìu pơrjum, ala  mờ hơ̆ den cau ala mat pơyua jơnau lùp mờ sră nggal nàng anih lơh broă, cau nă să is geh gơ rềng in hơ. Do là dơ̆ pơrjum geh gơtha tơn jơh tơngai lơh broă, sền swì tơl làm cồng nha lơh broă bơh Quôk hội khoă XV dê.