Ală nam do, bơta git gơp đah Việt Nam mờ Phần Lan bơtàu tơnguh niam ngan. Phần Lan sùm sền Việt Nam là lơgar lơh broă bal lài ngan tàm tiah đah jum mat tơngai lik câu Á. Dơ̆ lòt còp ngan ngồn dơ̆ do là tềl kuơmàng ngan, đơs nền bơta pin dờn cíñ trị mờ lơh gơlik tŭ tơngai lơh broă bal pa đah 2 lơgar. 

Việt Nam mờ Phần Lan pơn jat tai lơh kơ̆ kơljap lơh broă bal tàm ală gah ờs mờng bè bơto bơtê mờ bơsram; kơlôi sơnơng jak chài – măi mok, tiah ơm kis, broă lơh sa suơn sre; mờ kung rề ơnàng tus ală gah pa geh tam gơl sồ, năng lượng lơh geh wơl, lơh sa tàm pơdar. Do là ală gùng dà ai tơlik lài dipal mờ broă rơndap lơh bơtàu tơnguh kơ̆ kơljap sùm, cèng wơl bơta kuơ ngan ngồn ai làng bol 2 lơgar in mờ tă pơgồp jơh nùs tàm ring lơngai, lơh broă bal, bơtàu tơnguh tàm tiah do kung bè tàm dunia.