Đơs sơnđờm mut pơrjum, Củ tịc Quôk hội ồng Trần Thanh Mẫn đơs sùm, tơngai pa do, bơh bơta đơng lam tơl làm bơh Đảng, bơta sồr lơh uă ngan bơh Dà lơgar dê, Ƀộ Cíñ trị, Ƀan Ƀí thư bal mờ bơta mut lơh bal bơh jơh ală anih lơh broă cíñ trị, nùs nhơm dồ nùs bal, dùl nùs bal bơh jơh gùt làng bol dê, Dà lơgar neh lơh geh uă cồng nha dờng màng, tơl làm, geh gơtha kah yau.

Jat broă lơh, tàm pơgăp 40 ngai lơh broă, Quôk hội rơ̆p sền sơ wì, cribơyai mờ lơh nền uă tơngume kwơ màng, jŏ jòng, tàm hơ̆ geh 53 rơndăp broă lơh adat, Jơnau lơh nền tàm pơrjum, geh 49 adat. Củ tịc Quôk hội đơs nền, do là cơng tàng niam ngan ai nùs nhơm “adat boh lam pal lòt lài dùl cơnđoà”, pờ gùng ai tam gơl pa bơceh lơh, ai rài kis, bơta kwơ bơh làng bol dê lơh bơta đo was bơh broă lơh dê.