Dơ̆ lòt còp kâp dà lơgar tus lơgar Việt Nam bơh Kwang atbồ lơgar Nam Phi ồng Cyril Ramaphosa dê geh kơp kơnờm rơp dong tơnguh bơta git gơp đah 2 lơgar, chồl tơnguh kă bro đah 2 gah, rề ơnàng lơh broă bal tàm ală broă kuơmàng bè lơh sa suơn sre, ling klàng, măi mok mờ uă gah broă ndai.

Kờp dŭ lài, tàm dơ̆ lòt còp, Kwang atbồ lơgar Nam Phi ồng Cyril Ramaphosa rơp pơrjum bơyai mờ Củ tịc lơgar ồng Lương Cường mờ geh ală dơ̆ tìp mat kuơmàng mờ đơng lam kâp dờng lơgar Việt Nam dê. Kwang atbồ lơgar Nam Phi ồng Cyril Ramaphosa kung rơp tus bal dơ̆ kĭ Bơta kơp kờñ bal Liên hợp quôk dê bè rơcang kơryan cau tìs tàm internet gam hòi là Bơta kơp kờñ bal Hà Nội.