Đơs tàm pơrjum dờng, Phó Củ tịc lơgar mò Võ Thị Ánh Xuân sồr tơnkah, càr Cà Mau tơnơ̆ mờ tŭ tơrgùm bal geh uă bơta pràn nàng bơtàu tơnguh, mơya kung gam uă kal ke bè: phan bơna gùng lòt, phan bơna sồ ờ hềt ndrờm bal; rài kis làng bol tàm hơ̆ uă ngan là tiah ngài uă tiah ờ hềt bơtàu tơnguh. Càr Cà Mau pal tơnguh bơta pràn dơlam is, lơh jăt broă rơndăp lơh neh geh ai, bơcri priă mờ bơtàu tơnguh ală gah phan ală gah lơh sa mờ niam chài mpồl bơtiàn, sền gàr dà lơgar lơngăp lơngai ndrờm bal.

Phó Củ tịc lơgar mò Võ Thị Ánh Xuân sồr càr Cà Mau pơlam mờ lơh ală broă pơrlòng kờñ gơgoh dà lơgar mùl màl, lơh geh cồng nha ai mpồl bơtiàn in. Di tàm dơ̆ do, càr Cà Mau geh jào pà Huân cương Lơh broă khà dùl; 7 nă cau dờp huân cương lơh broă ală khà; 9 mpồl lơh broă, cau dùl nă să dờp sră jờng rơ bơh Thủ tướng Cíñ phủ; 163 mpồl, 419 nă cau dờp sră jờng rơ bơh Anih duh broă Làng bol càr.