VOV4.K’Ho- Mang ngai 09/01, Củ tịc lơgar ồng Lương Cường neh tus bal mờ đơs tàm broă lơh “Nam pa Tiah nhàr lơgar- ram nùs làng bol ƀòn lơgar”, geh bơyai lơh tàm xã Pa Tần, kơnhoàl Sìn Hồ, càr Lai Châu.

VOV4.K’Ho- Drim ngai 09/01 tàm càr lơgar Vientiane, lơgar Kộng hoà Làng bol lơh tờm Làng bol Lào neh geh lơh Dơ̆ pơrjum dơ̆ 47 Anih duh broă bàr Cíñ phủ bè lơh broă bal 2 gah Việt Nam mờ Lào bơh Thủ tướng Cíñ phủ ồng Phạm Minh Chính mờ Thủ tướng Cíñ phủ Lào ồng Sonexay Siphandone đơng lam bal.

VOV4.K'Ho- Tỉñ đoàn, Mpồl Cau bơsram dờng Việt Nam càr Dăk Lăk pa bơyai lơh Ngai chờ “Pơnyờ să kơnòm bơsram, cau bơsram dờng càr Dăk Lăk” mờ ală broă lơh chờ gờm tơnkah 75 nam Ngai bơhiàn kơnòm bơsram, cau bơsram dờng mờ Mpồl cau bơsram dờng Việt Nam. Lài mờ hơ̆, kung neh geh bơyai lơh Broă lơh “Tìp măt jờng rơ cau bơsram dờng jơi bơtiàn ờ gal cau pơnrơ ngan” càr Dăk Lăk dơ̆ 16.

VOV4.K’Ho- Tổng Ƀí thư dùl dơ̆ tai tơlik nùs nhơm kơ̆p kờñ pơn jăt tai dờp geh jơnau kờñ bal, pơgồp bal kwơ màng bơh ală kwang đơng lam bồ lài do, ală cau bơsram dờng, cau jăk chài, cau chài đơs crih tamya-do là ală cau sùm geh bơta chờ hờp, bơta pràn bal mờ bơta pràn nùs nhơm dờng màng tàm gùng bơtàu tơnguh dà lơgar dê.

VOV4.K’Ho- Mho ngai 08/01, tàm ƀòn dờng Hồ Chí Minh, Tổng Ƀí thư ồng Tô Lâm lòt còp mờ đơng lam dơ̆ lơh broă mờ Ling tiah 7 bè kơnòl broă ling klàng, sền gàr dà lơgar nam 2024, gùng dà broă lơh mờ kơnòl broă nam 2025.

VOV4.K’Ho- Drim ngai 09/01, Thủ tướng Cíñ phủ ồng Phạm Minh Chính bal mờ mpồl cau ala măt kwang bàng kâp dờng Cíñ phủ Việt Nam lòt gùng còp lơgar Lào mờ đơng lam bal Dơ̆ pơrjum dơ̆ 47 Anih duh broă ală Cíñ phủ Việt Nam mờ Lào bơh ngai 09/01 tus ngai 10/01 nam 2025, jăt jơnau jà bơh Thủ tướng lơgar Kộng hoà Làng bol lơh tờm Làng bol Lào ồng Sonexay Siphandone dê.

VOV4.K’Ho- Càr Dăk Lăk gam tơrgùm bơtàu tơngguh phan bơna ală jơnau yal tơnggĭt sồ nàng kờn tơngguh uă cồng nha ătbồ, đơng lam lơh jăt mờ drơng làng bol, mpồl lơh sa kă bro in tàm ală tŭ tam gơl sồ.

VOV4.K’Ho- Tàm 03 nam, bơh tŭ do tus jơh nam 2028, Cíñ phủ lơgar Hàn Quốc rơ̆p dong kờl priă 9 tơlak 200 rbô dolar Mỹ nàng lơh jăt rơndăp broă lơh Ală ding pơrdô dà mờ lơh niam wơl dà tuh bơdìh bơh tiah drà dê tàm ƀòn drà dờng Buôn Hồ, càr Dăk Lăk.

VOV4.K’Ho- Mho ngai, 08/01, tàm Hìu lơh broă Củ tịc, Củ tịc lơgar ồng Lương Cường neh wă Ƀộ trưởng Ƀộ Cribơyai broă mờ lơgar ndai, Mut gơrờm tàm tiah do mờ Làng bol kis tàm lơgar ndai lơgar Togo dê ồng Robert Dussey gam geh dơ̆ còp ngan ngồn lơgar Việt Nam.

VOV4.K’Ho- Drim ngai 8/01, Pơrjum tơn jơh broă lơh nam 2024, lam lơh kơnòl broă nam 2025 bơh Cíñ phủ mờ Gơnoar atbồ ală tiah dê neh geh bơyai lơh tàm Hìu lơh broă Cíñ phủ.