Jat tơngume dơ̆ pơrjum, Quôk hội kờp dŭ rơp tơn jơh tàm ngai 30/6. Do là dơ̆ pơrjum jŏ ngan rlau jơh bơh bồ tơngai lơh broă khoă XV tus tŭ do, Quôk hội rơp sền sơ wì uă broă kuơmàng, geh bơta kah yau. Tàm pơrjum dơ̆ 9, Quôk hội khoă XV, Quôk hội rơp sền sơ wì, lơh nền tam gơl, bơtơl bàr pe bơta bơh Sơnua boh lam nam 2013 dê; sền sơ wì, ring bal 34 adat boh lam mờ 11 jơnau lơh nền tàm pơrjum. 

Quôk hội kung tă pơgồp jơnau đơs tus mờ 6 rơndap lơh adat boh lam. Lam lơh gơnăp gơnoar sền sơ wì, lơh nền ală broă kuơmàng, Quôk hội kung sền sơ wì, ring bal Jơnau lơh nền tàm pơrjum bơh Quôk hội dê bè tơmut bal mpồl lơh broă sră pơ àr gơnoar atbồ kâp càr; lơh nền broă tơrmù lơyah tơngai lơh broă Quôk hội khoă XV mờ Mpồl duh broă làng bol ală kâp tơngai lơh broă bơh nam 2021 tus nam 2026; lơh nền ngai tĕ khà cau ala mat Quôk hội khoă XVI mờ cau ala mat Mpồl duh broă làng bol ală kâp tơngai lơh broă bơh nam 2026 tus nam 2031.