VOV4.K'Ho- Drim òr (10/03), tàm Hìu Quốk hội, sơn đờm dar pơrjum bè ờs dơ̆ 43, dơ̆ pơrjum sơnrờp ngan geh bơyai lơh mờ broă rơcang bơh ală anih lơh broă tơnơ̆ rơndăp tăp sèng mpồl lơh broă Quốk hội, Cíñ phủ dê.

VOV4.K’Ho- Drim òr (10/03), Tổng Ƀí thư ồng Tô Lâm mờ pơ ùr bal mờ Mpồl cau ala mat kwang bàng kấp dờng lơgar Việt Nam neh tus còp Mpồl Gơnoar cih Asean tàm càr lơgar Jakarta.

VOV4.K’Ho- Ngai òr (10/03), càr Dăk Lăk yŭ rơyùm bơyai lơh Dơ̆ tơngkah 50 nam tam lơh pha lin Buôn Ma Thuột, tơngklàs càr Dăk Lăk.

VOV4.K’Ho- Tàm tơngume dơ̆ lòt còp kấp Dà lơgar tus lơgar Indonesia, mho ngai 9 nhai 03, tàm càr lơgar Jakarta, Tổng Ƀí thư ồng Tô Lâm neh wă đơng lam bồ bàr pe Tập đoàn mpồl lơh sa kă bro lam lài lơgar Indonesia mờ tus bal Dơ̆ yal sơnđờm mut ngui gùng rơndeh par song bơh Việt Nam Airlines đah ƀòn dờng Hồ Chí Minh mờ Denpasar.

VOV4.K’Ho- Mho ngai 09/03, Tổng Ƀí thư ồng Tô Lâm bal mờ Pơ ùr mờ Mpồl cau ala măt kâp dờng lơgar he neh tus Jakarta còp kâp Dà lơgar Indonesia jăt jơnau jà bơh Kwang ătbồ lơgar Kộng hoà Indonesia ồng Prabowo Subianto dê mờ còp ngan ngồn Mpồl Cau gơnoar cih Asean jăt jơnau jà bơh Kwang Gơnoar cih dờng Asean ồng Kao Kim Hourn.

VOV4.K’Ho- Mho ngai 09/03, dar pơrjum dơ̆ 16 Mpồl Sồr lơh dà lơgar ală broă lơh bơ̆t bơtàu, rơndăp broă lơh kwơmàng dà lơgar, tờm ngan gah gùng lòt rê jun pơndiang neh geh lơh bơh bơta đơng lam bơh Thủ tướng Cíñ phủ ồng Phạm Minh Chính dê.

VOV4.K’Ho- Ngai do 10/03, càr Dăk Lăk sơnđờm Lơh chờ Kơphê Buôn Ma Thuột dơ̆ 09, bal mờ tơngkah kir sơnrai 50 nam tơngklàs ƀòn dờng, 50 nam dơ̆ tam lơh Tây Nguyên, sơnđờm ai Dơ̆ tam lơh Hồ Chí Minh kah yau in, tơngklàs jơh tiah đah Jum, tơrùm dùl dà lơgar.

VOV4.K’Ho- Lơh geh pha lin Buôn Ma Thuột, bal mờ gơnoar broă lơh nền bơh mpồl ling tờm dê, geh ală tă pơgồp ờ dồ ết bơh ală mpồl cíñ trị, làng bol ală jơi bơtiàn tàm càr Dăk Lăk. 50 nam neh lòt gan, ală cau neh ơm kis mờ tam lơh tàm Buôn Ma Thuột, càr Dăk Lăk kung gam kah sùm, ngoh rơngăc tŭ yal wơl bè broă lơh pơn rơ dờng màng do dê.

VOV4.K'Ho- Tàm ală ngai do, làng bol ală jơi bơtiàn kis tàm càr Dăk Lăk chờ hờp ngan, pơnyờ să tài neh pơgồp bal lơh geh tam lơh pha lin Buôn Ma Thuột tàm 50 nam lài. Mờ làng bol kung chờ hờp chờ gờm Lơh chờ Kơphe Buôn Ma Thuột dơ̆ 9 mờ ală jơnau kơ̆p kờñ là “tiah tus bơh kơphe dunia dê”. Bal mờ ală jơnau kah wơl sùm tàm ală ngai kwơ màng di tơnkah 50 nam tam lơh pha lin Buôn Ma Thuột, làng bol ală jơi bơtiàn ờ gal cau kis tàm càr Dăk Lăk kung tơlik nùs nhơm pin dờn mờ kơ̆p kờñ bè ală cồng nha niam geh bơh Lơh chờ kơphe Buôn Ma Thuột cèng wơl.

VOV4.K’Ho- Tam lơh Tây Nguyên nam 1975 ờ mìng là dùl cồng nha lơh geh bơh tam lơh ling klàng dê pơnrơ dờng ngan lơm mờ gam là dùl jơnau bơsram bè bơta chài tam lơh ling klàng dê jak chài ngan, bơceh lơh, mờ bềng bơta nisơna. Dơ̆ tam lơh do neh ngui jơh uă ngan bơta chài gah ling klàng bơh ling mờ làng bol Việt Nam dê. Bơh ală bơta chài lơh pơrồm ling sò tơm bơh ling klàng he dê ngăc chài ngan tus bơta pơgồp bal bơnĕ bơnài đah ală mpồl cau, tam lơh Tây Nguyên ờ mìng lơh gơprah gơpring jơh cau ling sò tơm lơm mờ gam lơh nrơ̆t rơnggô jơh gah ling klàng ală lơgar. Ngan kơnờm bơh ngăc jak tàm bơta chài tam lơh, dơ̆ tam lơh Tây Nguyên neh lơh gơlik geh dùl bơta tam gơl pràn lơh nền, pơgồp bơnah tàm tam lơh pha lin kàl prang nam 1975.