Dơ̆ lòt còp pơgồp bơnah lơh kơ̆ bơta pin dờn cíñ trị, mờ kung sơlơ tơnguh tai lơh broă bal đah Việt Nam mờ Sri Lanka tàm jơh ală gah bè cíñ trị, cribơyai broă mờ lơgar ndai, sền gàr lơngăp lơngai, ling klàng, lơh sa, kă bro, bơcri priă, tìp mat lơh kwèng làng bol…geh ngan ngồn mờ geh cồng nha rlau. 

Broă Kwang atbồ lơgar Sri Lanka tus lơgar Việt Nam tus bal Pơrjum dờng kah ngai deh yàng Phờk Liên hợp quôk Vesak là cơng tàng ai bơta tam klac bal niam ngan bè niam chài mờ gah jat yàng Phờk đah 2 lơgar. Tơnơ̆ dơ̆ wă rò, Củ tịc lơgar ồng Lương Cường mờ Kwang atbồ lơgar Sri Lanka mờ Mpồl kang bàng kâp dờng 2 lơgar lam lơh pơrjum bơyai, sền sơ wì cồng nha lơh broă bal đah 2 lơgar tàm tơngai lài mờ ai tơlik ală gùng dà, broă rơndap lơh lơh broă bal tàm tơngai tus.