Dơ̆ lòt còp kah yau tus lơgar Kazakhstan bơh Tổng Ƀí thư ồng Tô Lâm dê geh kơ̆p gơn rơ̆p ai bơta gĭt gơ̆p đah 2 gah gơguh tus dùl gơnoar broă pa mờ dồ ròt sră nggal lơh broă bal kwơ màng tàm uă gah rơ̆p geh kĭ hơ. Kờp dŭ tàm tơngume lòt còp kah yau do bơh Tổng Ƀí thư ồng Tô Lâm dê, 2 lơgar rơ̆p geh jơnau yal bơr bal bè tơngume lơh broă bal tàm dùl gơnoar broă pa, di pal mờ bơta kơ̆p kờñ mờ bơta kwơ bơh làng bol 2 lơgar dê.

Jat broă lơh tơnơ̆ tŭ tơn jơh ală broă lơh tàm lơgar Kazakhstan, Tổng Ƀí thư ồng Tô Lâm bal mờ pơ ùr mờ Mpồl kwang bàng kấp dờng lơgar he dê rơ̆p còp kấp Dà lơgar Azerbaijan, còp ngan ngồn lơgar Nga mờ tus bal Dơ̆ tơngkah kir sơnrai 80 nam Ngai tam lơh pha lin tàm tam lơh Sền gàr Dà lơgar dờng màng mờ còp kấp Dà lơgar tus lơgar Belarus ngai 12/5/2025.