VOV4.K’Ho- Mho mang ngai 28/11, Thủ tướng Cíñ phủ ồng Phạm Minh Chính tus bal yal Jơnau lơh nền pồ mờ jàu kơnòl broă ai Ƀộ trưởng Ƀộ Gùng lòt jun pơndiang ồng Trần Hồng Minh mờ Ƀộ trưởng Ƀộ Priă jền ồng Nguyễn Văn Thắng.

VOV4.K'Ho- Drim òr (28/11), Bơtau lơgar Campuchia ồng Norodom Sihamoni tus Hà Nội, sơn đờm còp kấp Dà lơgar tus lơgar Việt Nam bơh mngai 28 tus ngai 29 nhai 11, jăt jơnau jà bơh Củ tịc lơgar ồng Lương Cường.

VOV4.K’Ho- Mho ngai 27/11, tàm ƀòn dờng Hải Phòng, Thủ tướng Cíñ phủ ồng Phạm Minh Chính tus bal Ngai chờ sơnđờm mŭt lơh broă tam gơl pa bơceh lơh nam 2024 bal mờ tơnggume sơmbăt tê bal bơtàu tơngguh ală mpồl sơnđờm mŭt lơh broă bơceh lơh Việt Nam.

VOV4.K’Ho- Ngai 27/11, tàm Hà Nội, Phó Thủ tướng, Ƀộ trưởng Ƀộ Cribơyai broă mờ lơgar ndai ồng Bùi Thanh Sơn neh geh dơ̆ pơrjum bơyai tơn tàm internet mờ Ƀộ trưởng Ƀộ Cribơyai broă mờ lơgar ndai lơgar Lào ồng Thongsavanh Phomvihane.

VOV4.K’Ho- Drim ngai 27/11, tàm ƀòn dờng Kon Tum, Mpồl Sồr lơh hòi jà pà mhàm dong kờl is càr Kon Tum bơyai lơh Dơ̆ jờng rơ cau pà mhàm pơnrơ ngan nam 2024.

VOV4.K’Ho- Ngai 27/11, tàm Hìu lơh broă Củ tịc, Phó Củ tịc lơgar mò Võ Thị Ánh Xuân neh wă Kwang atbồ ƀang Hessen (lơgar Đức) ồng Boris Rhein tàm dơ̆ lòt còp mờ lơh broă tàm lơgar Việt Nam.

VOV4.K'Ho- Uă mpồl lơh sa kă bro neh đơs broă do mờ kơ̆p kờñ Anih duh broă làng bol ƀòn dờng Buôn Ma Thuột geh broă lơh tă bơsong, gờñ lơh geh ală tiah lơh sa, lơh gơlik phan nàng mpồl lơh sa kă bro in geh broă rơndăp lơh bơcri priă di pal.

VOV4.K’Ho- Drim ngai 27/11, Tổng Ƀí thư ồng Tô Lâm lam bồ mpồl kwang bàng lơh broă bơh Dà lơgar dê tus còp mờ đơng lam dơ̆ lơh broă mờ Mpồl Lơh kơnòl broă sùm Thàñ ủy ƀòn dờng Hà Nội bè cồng nha broă lơh bơt bơtàu Đảng, bơt bơtàu ală anih lơh broă cíñ trị, bơtàu tơnguh lơh sa- mpồl bơtiàn, sền gàr Dà lơgar, lơngăp lơngai, lơh broă mờ lơgar ndai bơh ƀòn dờng dê nam 2024 mờ broă rơndăp lơh nam 2025, tơngai bơh nam 2025-2030.

VOV4.K’Ho- Drim ngai 27/11, Thủ tướng Cíñ phủ ồng Phạm Minh Chính tus bal pơrjum kwang bàng kấp dờng lơh sa kă bro Việt Nam mờ Mỹ nam 2024 mờ tơngume Broă lơh dong kờl mờ dờp geh bơta gĭt bal nàng kờñ gàr niam bơta gĭt gơ̆p kă bro phan cèng wơl bơta kwơ bal.

VOV4,K'Ho- Drim òr (27/11), tàm Hà Nội, Củ tịc lơgar ồng Lương Cường lơh broă mờ Mpồl Lơh broă cíñ trị tàm lơgar kâp Dà lơgar – Anih lơh broă Duh broă sùm bơh Mpồl Sồr lơh tam gơl pa wơl sền gàr adăt boh lam Dà lơgar nàng pơgồp jơnau đơs bè gùng dà broă lơh, kơnòl broă bơh Mpồl Sồr lơh dê tàm tơngai tus.