Tàm dơ̆ tìp măt kâp dờng, Phó Củ tịc Quôk hội ồng Nguyễn Đức Hải yal ală mờng chài bơh Việt Nam dê tàm bơtàu tơngguh broă lơh sa sươn sre, bơ̆t bơtàu broă lơh tơrlòng lài OCOP (tơl ƀòn dùl phan bơna), mờ sồr lơgar Srilanka ai mpồl lòt tus lơgar Việt Nam cribơyai loh làng rlau tàm broă do. Bàr đah dùl nùs bal ring bal sơlo tàm pơgơl mpồl kwang bàng lòt còp bal mờ gơ̆p, tìp măt kâp dờng mờ ală kâp, lơh pràn tìp măt lơh kwèng bal làng bol, lam lơh ală broă lơh geh kwơ ngan ngồn tơngkah kir sơnrai 55 nam lơh gĭt gơ̆p cribơyai broă mờ lơgar ndai.

Bàr đah kung ring bal pơn jăt tai sồr lam lơh ală jơnau ring bal neh kĭ hơ, rề ơnàng lơh broă bal, lơh bơyô bal đah ală ƀòn lơgar, chồl tơngguh lơh broă bal niam chài, bơto bơtê, lòt nhơ, Yàng phờk, hòi jà cau bơsram dờng Srilanka tus bơsram tàm Việt Nam.