Thủ tướng đơs, tơnơ̆ tŭ geh ală Jơnau lơh nền tàm pơrjum, Jơnau sồr, Jơnau đơs pơndŭt bơh Dà lơgar dê tơn, Lơh kơnòl broă sùm Thàñ ủy ƀòn dờng, Tỉñ ủy 3 càr, ƀòn dờng neh lam lơh, bơsram kơlôi sơnơng niam, di tŭ niam ngan, lơh geh di tơngai bơh ƀòn dờng, càr, tus ƀòn lơgar, lơh geh bơta ring bal tàm ală ƀộ, gah, anih lơh broă, mpồl lơh broă. Thủ tướng pà gĭt, tơl ƀòn lơgar geh bơta krơi is; mìng is gơ wèt mờ ƀòn dờng Hồ Chí Minh, pa do geh tam gơl đơng lam kâp dờng ƀòn dờng dê mơya neh mhar kơ̆ kơl jăp bơta, neh tơrmù dipal geh 15%, rơndăp tăp sèng cau sa priă nhai gơmù là 20%.

Thủ tướng đơs là, bơh dơ̆ sền swì do neh jòi gơlik ală jơnau bơsram mờng chài krơh pơnrơ gơguh jak, broă lơh jak; ƀươn soh sră pơ àr gơnoar ătbồ tơrmù bơnah nggùl, ƀươn ƀoài ai làng bol mpồl lơh sa kă bro in. Thủ tướng kung sồr 3 ƀòn lơgar tơrgùm bơtàu tơngguh lơh sa, chồl tơngguh gơguh lơh sa lơh geh gơguh mhar mơya pal kơ̆ kơl jăp.