110 nă kơnòm dềt pơn rơ ngan geh jàu sră jờng rơ Sau Gơlòng sồr Wa Hồ dê kấp càr tàm Dăk Lăk là ală cau pơn rơ ngan lơh broă niam, bơsram jak, tơryiang tơryồng gơlòng sồr, sơr lèt gan kal ke, mờ ală cau chài kơnòm să dê, đơng lam mpồl jak ala mat ai rlau 300 rơbô nă đội viên, kơnòm dềt tàm gùt càr dê. Ală kơnòm neh jơh nùs tàm pơrlòng, bơsram tàp, lơh geh uă cồng nha bơh ală srơh, pơgồp dà kơl hề lơh ală broă lơh cèng bơta kơnòm să, tiah nhơl lời ai kơnòm dềt in mờ dong kờl ală bơyô geh rài kis kal ke mờ ală broă lơh dềt mờ di mờ bơta pràn he dê.

Tus bal Pơrjum dờng Sau gơlòng sồr Wa Hồ càr Dăk Lăk dơ̆ 11, ală oh geh tus bal ală broă lơh, bè:  còp Tơrñăng Nam Tiến mờ yal dà kơl hề pơdơng Wa Hồ in; lùp còp Mè Việt Nam khin cha jak chài; tìp mat lơh kwèng “Kơnòm dềt càr Dăk Lăk tam klăc, tơryang tơryồng, gơlòng sồr” tàm Anih tờm dong kờl bơtàu tơnguh bơto bơtê mut gơ rờm bal kơnòm dềt kuĕt kơlte; sền gĭt kơnòm dềt chờ hờp, pràn kơl dang, lơngăp lơngao, bơsram rơbô bơta niam.