Jơnau đơs pơn dŭt dơ̆ pơrjum, Phó Thủ tướng ồng Mai Văn Chính đơs niam ală ƀộ, anih lơh broă Dà lơgar geh khà tam pà mờ bơcri priă bơcri dà lơgar nam 2025 tàm khà uă.

Gơwèt mờ ală ƀộ, anih lơh broă dà lơgar lơyài tàm broă bơcri priă tài ală bơta gơkòl bè tơm ntrờn ù tiah, lơyài lơh, gơkòl bè ù tiah, phan geh is, Phó Thủ tướng ồng Mai Văn Chính sồr ai geh jơnau bơsram broă lơh mờng chài mờ lơh jăt tơl, lơh nền nòn jăt jơnau sồr bơh Thủ tướng dê; tơnguh broă đơng lam, sồr lơh, loh cau, loh kơnòl, geh bơta niam, geh cồng nha. Nàng lơh jăt khà bơcri priă priă bơcri dà lơgar nam 2025 lơh geh jăt jơnau kờñ rơlao 95% broă rơndăp lơh bơh Thủ tướng jào, Phó Thủ tướng sồr ală anih lơh broă, Ƀộ, gah lơh broă dà lơgar lơh pràn broă tam pà mờ bơcri priă priă bơcri dà lơgar nam 2025, tàm hơ̆ sồr lơyài ngan tàm lồi nhai 3 pal lơh gơs broă tam pà nền nòn broă rơndăp lơh priă priă bơcri dà lơgar nam 2025 dê.