Đơs tàm dơ̆ lơh broă, Phó Thủ tướng ồng Bùi Thanh Sơn jờng rơ uă ngan pơnđơl pràn lơh ngan lơh ală broă lơh gơguh lơh sa bơh càr Gia Lai mờ Kon Tum dê, mơya sồr ală broă lơh pal gơtùi lơh, tơrgùm bal mờ tềng đăp mat mờ jŏ jòng. Ală tiah pal rcang pơgồp bal mờ ală Ƀộ, gah broă nàng tă bơsong kal ke tàm rơndăp broă lơh gam gơkòl, is ồn là tàm gah năng lượng.

 Phó Thủ tướng sơñio loh ală bơta gơn kơnờm ờs mờng bè broă lơh sa suơn sre, phan brê, niam chài, lòt nhơl pal geh lơh jat niam. Tàm broă lơh sa suơn sre, 2 càr pal lơh pràn ngui măi mok pa nàng tơnguh bơta niam bơkah phan bơna, is ồn gơwèt mờ kơnuh sơnơm Ngọc Linh bơh càr Kon Tum dê pal wèt tus lơh gah lơh sa mờ măi mok phan lơh sơnơm bè broă lơh bơh lơgar Hàn Quốc dê. Phó Thủ tướng sồr Gia Lai mờ Kon Tum pal geh nùs nhơm lơh ngan dờng, broă lơh dờng, pơgồp bal niam mờ ală Ƀộ, gah broă nàng sơr lèt gan bơta lòng, ngui niam bơta ƀuơn, bơta pràn, gàr niam lơngăp lơngai sền gàr Dà lơgar mờ bơtàu tơnguh kơ̆ kơl jăp jŏ jòng.