Thủ tướng Cíñ phủ ồng Phạm Minh Chính đơs nền, Việt Nam sền gròi bơta gĭt gơ̆p ờs mờng bơh yau lơh bơyô bal, Cau lơh broă bal jŏ jòng tơl làm đah Việt Nam mờ lơgar ală ƀang Nga; chờ hờp tài bơta bơtàu tơngguh duh hồl ngan đah bàr lơgar tàm jơh ală broă, ngan là broă tàm pơgơl mpồl kwang bàng kâp dờng lòt còp bal mờ gơ̆p sùm, lơh broă bal lơh sa- kă bro phan- bơcri priă, niam chài, lòt nhơl, bơto bơtê lơh geh uă cồng nha niam ngan.

Dòn kơnờm dơ̆ lòt còp bơh Cau lam bồ Kộng hoà Tatarstan dê tus Việt Nam dơ̆ do rơ̆p pơgồp bơnah chồl tơngguh lơh broă bal đah Kộng hoà Tatarstan mờ ală ƀòn lơgar bơh Việt Nam dê, pơgồp bơnah chồl tơngguh gĭt gơ̆p Lơh broă bal Jŏ jòng Tơl làm Việt Nam mờ lơgar ală ƀang Nga. Thủ tướng Cíñ phủ ồng Phạm Minh Chính sồr đah Kộng hoà Tatarstan jơh nùs chồl tơngguh lơh  broă mờ ală ƀòn lơgar bơh Việt Nam dê, is ồn là lơh pràn tìp măt lơh kwèng bal làng bol, tàm tơn rềp đah làng bol 2 lơgar tàm tơngai tus.