VOV4.K’Ho- Drim òr (26/02), mpồl lơh broă geh gơnoar càr Kon Tum gam pơn jat tai lùp khàu, lơh lo h dơ̆ rềs àr gùng lòt kơn jơ̆ ngan gơlik geh tàm mang ngai 25/02 tàm gùng Hồ Chí Minh lơh 2 nă cau chơ̆t.

VOV4.K’Ho- Tàm ƀòn Kret Krot, xã H’Ra, kơnhoàl Mang Yang, càr Gia Lai, dồ ơdŭ bơto akhar geh pờ bơh lồi nam 2023. Do là jơnau bơceh lơh bơh Trung úy Lê Tuấn Thành dê, kwang àng xã H’Ra, kơnhoàl Mang Yang. Kwang àng gam kơnòm să do neh geh nùs nhơm dong kờl is pờ ơdŭ bơto akhar bal mờ bơta kơ̆p kờñ bơto akhar nàng làng bol kòn cau Bahnar tàm do in gĭt sền gĭt cih.

VOV4.K’Ho- Drim òr (25/02), tàm tiah Tềl lời wơl kah yau Dà lơgar Truông Bồn, kơnhoàl Đô Lương, càr Nghệ An, Đoàn Ơruh pơnu Kộng sản Hồ Chí Minh Dà lơgar bơyai lơh dơ̆ sơnđờm mut lơh Nhai Ơruh pơnu nam 2024 mờ Sa tềp tam chi Nam pa Giáp Thìn 2024.

VOV4.K'Ho - Tàm ƀòn Niam chài – Lòt nhơl ală jơi bơtiàn Việt Nam tàm Đồng Mô, Sơn Tây, Hà Nội, Củ tịc lơgar Võ Văn Thưởng tus bal Ngai chờ bơta niam nam pa tàm làm gùt ù tiah dà lơgar nam 2024 bơh Ƀộ Văn hóa, Thể thao mờ Zu lịc bơyai lơh.

VOV4.K'Ho- Ngai òr (25/02), git nđờ jơt rbô nă ơruh pơnu bơh 30 càr, ƀòn dờng dê hô hơng lòt gùng lơh kơnòl ling klàng. Do là dơ̆ jàu – dờp ling sơn rờp. 4 càr Tây Nguyên là Kon Tum, Gia Lai, Dăk Lăk mờ Dăk Nông hô hơng bơyai lơh dơ̆ jàu – dờp ling nam 2024.

VOV4.K'Ho- Tàm xã tiah nhàr dà lơgar Ea Bung, kơnhoàl Ea Súp, càr Dăk Lăk, ală pôs ling sền gàr tiah nhàr dà lơgar Dăk Ruê mờ Yok Bruê, pơgồp bal mờ gơnoar atbồ tàm xã bơyai lơh “Ngai chờ sền gàr tiah nhàr dà lơgar jơh gùt làng bol nam 2024”.

VOV4.K’Ho- Tơnơ̆ ală ngai ơm rơlô Satềp, ală ngai bồ nam pa, tàm ală hìu lơh broă, hìu măi bơh uă mpồl lơh sa kă bro tàm càr Dăk Lăk neh geh nùs nhơm chờ hờp lik lơh broă. Mờ bơta tơngŏ niam bơh drà kă bro, mờ nùs nhơm chờ, lơh ngan sơrlèt mờ kal ke, ală mpồl lơh sa kă bro càr Dăk Lăk kơ̆p kờñ dùl nam pa geh uă cồng nha pa.

VOV4.K’Ho-Tơngai tŭ do, 17 kơnhoàl, thị xã, ƀòn dờng tàm càr Gia Lai neh lơh sir broă lơh rcang ai dơ̆ jàu mờ dờp ling nam 2024, kờp dŭ geh bơyai lơh tàm drim ngai hìng 25/02.

VOV4.K'Ho - Mho ngai 23/02, Ủy ƀan Ñân zân ƀòn dờng Dà Làc, càr Lâm Đồng bơyai lơh jờng rơ broă lơh niam tàm rài kis mpồl bơtiàn ai 3 nă cau dờñ phan dờp wơl cau lơh roh in.

VOV4.K’Ho- Càr Dăk Lăk tŭ do geh rơlao 497 rơbô lồ brê, tàm hơ̆ geh 413 rơbô lồ brê hòn is mờ rơlao 83 rơbô lồ brê tam. Tàm tơngai trồ prang uă bơh kàl prang dê, ală mpồl lơh broă geh gơnoar tàm càr Dăk Lăk gam lơh pràn ală broă lơh nàng rơcang sơndră mờ crùh ồs sa brê.