Ƀí thư Đảng mpồl Quôk hội, Củ tịc Quôk hội ồng Trần Thanh Mẫn mờ Ƀí thư Mpồl đơng lam Đảng Cíñ phủ, Thủ tướng Cíñ phủ ồng Phạm Minh Chính đơng lam bal pơrjum. Đơs mŭt pơrjum, Củ tịc Quôk hội ồng Trần Thanh Mẫn pà gĭt, Pơrjum dơ̆ 08 geh uă tơnggume ngan tàm ală dơ̆ pơrjum bơh bồ tơngai lơh broă Quôk hội khoă XV tus tŭ do.

Quôk hội rơ̆p sền swì 39 tơnggume, tàm hơ̆ geh 29 tơnggume gơ wèt broă lơh adăt boh lam, 10 mpồl tơnggume bè lơh sa- mpồl bơtiàn, kes priă dà lơgar; jăt sền, broă lơh kwang bàng mờ ală broă ndai. Digơlan, Pơrjum dơ̆ 08 mŭt pơrjum tàm ngai 21/10 tus mờ geh lơh tàm 29 ngai, geh bơyai lơh gơs 2 dơ̆. Củ tịc Quôk hội đơs là, pơrjum geh lơh lài mờ tơngai geh lơh dơ̆ pơrjum dồ nhai nàng ală anih lơh broă rơcăng cih, lùp sền wơl geh tŭ tơngai lơh jăt di Adăt ai lơh jăt sră nggal gơrềng tus adăt boh lam; mơkung nàng kờñ cribơyai, ring bal bè tơnggume broă lơh Pơrjum dơ̆ 8 dê.