Ngai òr 16/09 tàm Hìu duh broă Cơldŭ lơh broă Cíñ phủ dê, Thủ tướng Cíñ phủ ồng Phạm Minh Chính neh đơng lam dơ̆ pơrjum mờ Kwang đơng lam bồ ală ƀộ, mpồl, gah broă kâp dà lơgar geh gơrềng, kơlôi sơnơng jrô sền wơl broă lam lơh jăt Jơnau lơh nền tàm pơrjum sồ 36 bè Broă rơndăp lơh bơtàu tơngguh kơ̆ kơl jăp lơh sa dà lềng Việt Nam tus nam 2030, bơta wèt sền tus nam 2045 mờ ală tơnggume geh gơrềng tàm Jơnau lơh nền tàm Pơrjum dờng khoă XIII Đảng dê.

Jăt tàm bơta mblàng sền jrô ơnàng, tơl làm broă ală lơgar, kơnhoàl ù tiah do mờ dà lềng đah măt tơngai Lik kung bè jơnau kờñ bơtàu tơngguh dà lơgar dê tàm bơta pa, Thủ tướng Cíñ phủ ồng Phạm Minh Chính sồr ală ƀộ, mpồl, gah broă kâp dà lơgar mờ ală tiah geh gơrềng tàm tơngai tus pal pơn jăt tai jăt di gùng dà bơh Đảng dê, gùng dà broă lơh adăt boh lam bơh Dà lơgar dê, tàm hơ̆ geh Jơnau lơh nền tàm Pơrjum dờng khoă XIII Đảng dê, Jơnau lơh nền tàm pơrjum sồ 36 bè Broă rơndăp lơh bơtàu tơngguh kơ̆ kơl jăp lơh sa dà lềng lơgar Việt Nam tus nam 2030, bơta wèt sền tus nam 2045; Jơnau lơh nền tàm pơrjum sồ 44 bè Broă rơndăp lơh sền gàr Dà lơgar tàm bơta pa, rơcăng, jơh nùs, lam lơh geh cồng nha ală bơta broă lơh, lơh geh cồng nha pa kwơmàng, ngan ngồn rlau tàm tơl ală gah.