VOV4.K'Ho - Drim ngai 01/3, tàm Hà Nội, Gah đơng lam Mpồl ling sền gàr tiah nhàr dà lơgar yŭ rơyùm bơyai lơh dơ̆ dờp Gai lòng Cồng nha tàm tam lơh khà 2, tơngkah kir sơnrai 65 nam Ngai bơhiàn mpồl ling sền gàr tiah nhàr dà lơgar, 35 nam Ngai sền gàr tiah nhàr dà lơgar jơh gùt làng bol. Củ tịc lơgar neh tus bal mờ đơs tàm dơ̆ bơyai lơh.

VOV4.K'Ho - Drim ngai 01/3, tàm Hà Nội, geh lơh dơ̆ pơrjum Mpồl bơyai lơh pơrjum jak chài: “Pha lin tam lơh Điện Biên Phủ - Bơta kuơ kah yau mờ bơta dờng màng tŭ tơngai”.

VOV4.K'Ho - Ủy ƀan Ñân zân càr Gia Lai pa bơyai lơh Pơrjum sền wơl mờ tìp mat cau geh pơn rơ gơguh jak tàm broă lam lơh Ngai sền gàr tiah nhàr dà lơgar jơh gùt làng bol tơngai bơh nam 2019 tus nam 2024. Pơrjum pà git, bơt bơtàu tiah rơcang gàr kơ̆ kơljap, neh mờ rơp pơn jat tai là kơnòl broă sùm, nàng kờñ sền gàr gơnoar tờm tàm 80 kơi sồ gùng nhàr dà lơgar gan ù tiah càr.

VOV4.K’Ho- Mho ngai 29/02, tàm Hìu duh broă Đảng Dà lơgar, neh geh lơh Pơrjum tìp măt kwang bàng cau geh bồ tơngoh bơsram sră jak, cau jak chài, cau cih jơnau đơs crih tam ya di dơ̆ bồ sơnam pa Giáp Thìn 2024, Củ tịc lơgar Võ Văn Thưởng tus bal pơrjum.

VOV4.K'Ho- Cau sơ pơ̆ bơr Ƀộ Ngoại giao lơgar Việt Nam Phạm Thu Hằng đơs loh: Nùs nhơm bơh lơgar Việt Nam dê gơ wèt mờ dà lềng Tư Chính là ờ tŭ lơi tam gơl mờ neh đơs nền uă dơ̆.

VOV4.K’Ho- Pơrjum Kwang bàng kấp dờng khoă 55 Mpồl duh broă gơnoar kòn bơnus Liên hợp quôk neh ngan ngồn tơn jơh tàm ngai 29/02, tàm Geneva, lơgar Thụy Sỹ. Mpồl Kwang bàng kấp dờng lơgar Việt Nam bơh Ƀộ trưởng Ƀộ Ngoại giao Bùi Thanh Sơn lam bồ tus bal mờ geh jơnau đơs kwơ màng, tơngŏ bơta tă pơgồp jơh nùs mờ geh kơnòl bơh lơgar Việt Nam dê gơwèt mờ dùl tàm broă lòng ngan rlau jơh mờ dunia gam pal kong.

VOV4.K’Ho- Mho ngai 29/02, mò Nguyễn Thị Kim Thúy, Phó Củ ñiệm Ủy ƀan Mpồl bơtiàn bơh Quôk hội, Kwang atbồ Mpồl lòt sền bơh Ủy ƀan Mpồl bơtiàn dê neh geh dơ̆ lơh broă mờ Ủy ƀan Ñân zân càr Dăk Lăk bè broă dong kờl jat broă lơh, adat boh lam bè ring bal ùr klau tàm ù tiah càr dê nam 2023; cồng nha lơh jat Adat bau kòn mờ hìu bơnhă tơngai lơh broă bơh nam 2015- 2023.

VOV4.K’Ho- Dờp jơnau jà bơh Phó Thủ tướng, Ƀộ trưởng Ngoại giao mờ Quốk phòng lơgar Ireland Micheal Martin, Ƀộ trưởng Ngoại giao Bùi Thanh Sơn gam geh dơ̆ tus còp mùl màl tus lơgar Ireland. Ƀộ trưởng Bùi Thanh Sơn neh wă mờ tìp măt cri bơyai mờ Kwang atbồ lơgar Ireland Michael D. Higgins.

VOV4.K’Ho- Lơh jăt jơnau đơng lam bơh Thủ tướng Cíñ phủ, drim òr (29/02), tàm ƀòn dờng Pleiku, càr Gia Lai, Cíñ phủ bơyai lơh Pơrjum bơtàu tơnguh lơh sa mpồl bơtiàn pơgồp bal mờ broă sền gàr lơngăp lơngai, sền gàr dà lơgar tàm ù tiah Tây Nguyên.

VOV4.K’Ho- Drim ngai 29/02, tàm Hìu lơh broă Mpồl lơh broă mờ lơgar ndai Dà lơgar, Ƀí thư Đảng Dà lơgar, Kwang atbồ Mpồl lơh broă mờ lơgar ndai Dà lơgar Lê Hoài Trung neh geh dơ̆ pơrjum pờ tơn tàm internet mờ Kwang atbồ Mpồl lơh broă mờ lơgar ndai Đảng Kộng sản lơgar Cuba.