Tàm pơrjum, Thủ tướng Cíñ phủ ồng Phạm Minh Chính bal mờ kwang đơng lam bồ ală ƀộ gah broă lơh kâp dà lơgar neh sền gŏ bal Dơ̆ bơyai lơh jàu Jơnau lơh nền gùng dà bơcri priă, Sră cơng tàng dan bơcri, Sră nggal cih kah, jơnau ring bal bơta pal jăt ai ală rơndăp broă lơh bơcri priă dờng tàm ù tiah càr dê. Nàng lơh geh ală jơnau kờñ neh sồr lơh tàm Rơndăp ù tiah, Thủ tướng sồr Đảng ƀộ, gơnoar ătbồ mờ làng bol càr Bắc Ninh jơh nùs lam lơh jăt 03 kơnòl broă tờm, 06 bơta tam gơl pràn bơtàu tơngguh neh geh gĭt nền tàm rơndăp ù tiah, ngan là tàm tơrgùm priă jền bơcri tàm gah lơh sa mờ măy mŏk mờ drơng broă ala, sền gròi bơtàu tơngguh ală gah lơh sa mờ măy mŏk geh bơta pràn, tam gơl mờ gơhòi gơ jà bơcri priă tàm mpồl gah broă pa.

Bè gơhòi gơ jà bơcri priă, Thủ tướng đơs niam ngan mờ jờng rơ ală mpồl lơh sa kă bro, cau bơcri priă neh rwah càr Bắc Ninh nàng bơcri priă, pin dờn ală rơndăp broă lơh rơ̆p lam lơh geh cồng nha.