Do là pơrjum Cíñ phủ mìng dùl tơngume lơh adat boh lam dơ̆ 2 tàm nhai 9 mờ là pơrjum dơ̆ 10 tàm nam 2024 cribơyai bè uă tơngume kuơmàng. Đơs mut pơrjum, Thủ tướng ồng Phạm Minh Chính đơs loh, bơt bơtàu, lơh sir gùng dà broă lơh, adat boh lam là dùl tàm 3 bơta tam gơl pràn kuơmàng, gùng dà broă lơh gam là bơta pràn, bơta gơn kơnờm ai bơta bơtàu tơnguh in. 

Thủ tướng Cíñ phủ sồr ală kwang bàng tàm Cíñ phủ, ală ƀộ trưởng, kwang atbồ gah broă lơh sồr lơh tơn broă lơh lơh adat boh lam; ai lài bơta pràn bè kòn bơnus, phan bơna, priă jền ai broă lơh lơh adat boh lam in; tơnguh nùs nhơm geh kơnòl, tơrgùm ring bal jơnau đơs, lơh jat jơnau pal jat sră pơ àr gơnoar atbồ, ờ gŏ di pleh, tàm tuh kơnòl, tềng đap mat là drơng niam pơrjum dơ̆ 08, Quôk hội khoă XV.