Geh bơyai lơh tàm 02 ngai bơh ngai 23 tus ngai 24 nhai 09, Ngai chờ mŭt lơh broă tam gơl pa bơceh lơh tàm càr Dăk Lăk nam 2024 (Techfest Dăk Lăk 2024) geh uă broă lơh bè: ràng tơlik yal, yal ală rơndăp broă, phan geh lơh mŭt lơh broă, OCOP, lơh sa mờ măi mok ƀòn lơgar, drơng broă lơh lòt nhơl; ờ uă dơ̆ cri bơyai bè mŭt lơh broă tam gơl pa bơceh lơh, mŭt lơh broă tơlir, broă lơh chồl pràn mŭt lơh broă tàm ală gah, ală gah broă, ală mpồl cau.

Do là broă lơh geh bơyai lơh pah nam, nàng ai geh bơta niam tìp bal tàm mpồl bơtiàn mŭt lơh broă, tơrbŏ bal bơcri priă, jòi geh cau lơh broă bal, rề ơnàng drà kă bro. Ồng Nguyễn Tuấn Hà, Phó Củ tịc Duh broă sùm Anih duh broă Làng bol càr Dăk Lăk pà git, ală broă dong kờl mŭt lơh broă tàm càr neh ai geh bơta gơrềng bal lơh niam, pơgồp bal tàm broă bơ̆t bơtàu bơta niam mŭt lơh broă càr Dăk Lăk bơtàu tơnguh jăt broă lơh nền nòn, lơh geh uă nùs nhơm mŭt lơh broă pràn kơl dang tàm ală làng bol dê.