Tổng Ƀí thư, Củ tịc lơgar ồng Tô Lâm ưn ngài ală oh mi, cau bơyô neh ai tơngai tus bal dơ̆ tìp măt, tơlik nùs nhơm git jơnau, ngoh rơngăc tềng đăp mờ broă kờñ bal, nùs nhơm bơh ală oh mi kộng sản, bơyô, làng bol lơgar Mỹ gơwèt mờ Đảng, Dà lơgar bal mờ làng bol lơgar Việt Nam bơh ală rài.

Tổng Ƀí thư, Củ tịc lơgar ồng Tô Lâm neh yal bè ală cồng nha lơgar Việt Nam neh lơh geh tơnơ̆ mờr 40 nam tam gơl pa, ală cồng nha neh lơh geh tàm broă lơh jăt ală jơnau kờñ bơh Pơrjum dờng dơ̆ XIII dê; yal Pơrjum dờng dơ̆ XIV bơh Đảng Kộng sản Việt Nam tàm bồ nam 2026 rơ̆p là tơngai tờm kwơ màng, ai tơngŏ rài brồ guh bơh Jơi bơtiàn Việt Nam dê tàm broă lơh ngan lài kung bè tơnơ̆ guh jăt củ nghĩa xã hội. Di tàm dơ̆ do, Tổng Ƀí thư, Củ tịc lơgar ồng Tô Lâm chờ gờm mờ jào Huân cương git gơ̆p lơh bơyô ai ală cau neh geh uă broă tă pơgồp bal pràn, kwơ màng, pơgồp bal tàm broă tơnguh bơta git gơ̆p đah làng bol bàr lơgar dê.