Jăt jơnau sồr bơh Sở Bơto bơtê mờ Bơsram càr Kon Tum dê, Mpồl cau ătbồ ală hìu bơsram mờ tơl nă cau pơgru ătbồ ơdŭ ờ lời gơlik geh jơnau dơ̆ pơrjum mè bèp kơnòm bơsram bồ nam bơsram pa mìng là tiah yal ală bơnah priă pal tă. Nàng tam gơl pa dơ̆ pơrjum mè bèp kơnòm bơsram, ală hìu bơsram tàm càr jăt tàm bơta geh ngan kờñ pal ai lài ală tơngume, bè: cribơyai, ring bal bè gùng dà bơto bơtê oh kòn; broă lơh jăt niam lơngăp lơngai lòt rê tàm gùng; rơcăng lài kơryan jơnau ờ niam ma túy tàm hìu bơsram, niam lơngăp lơngai yal tơngĭt jơnau tàm internet; gàr sùm khà kơnòm bơsram tàm ơdŭ tơryăng tơryồng lòt bơsram; ngui geh cồng nha priă jền bơcri bơh dà lơgar dê gơ wèt mờ kơnòm bơsram jơi bơtiàn dồ êt nă cau.

Ồng Đoàn Thành Nhân, Phó Kwang ătbồ Sở Bơto bơtê mờ Bơsram càr Kon Tum pàr gĭt jơnau sồr gơ ai tơlik là bơh dơ̆ pơrjum, mè bèp kơnòm bơsram pal gĭt geh ală jơnau yal kờñ pal geh gơ wèt mờ broă bơsram sră bơh oh kòn he dê.