VOV4.K’Ho- Mho mang ngai 7/06, tàm Hìu Quôk hội, Củ tịc Quôk hội ồng Trần Thanh Mẫn tus bal jàu pà gai lòng 40 sơnam, 30 sơnam Đảng.

VOV4.K'Ho - Mho ngai 07/6, tàm Hìu lơh broă Củ tịc, Củ tịc lơgar ồng Tô Lâm neh wă Đại sứ Mpồl tam klac câu Âu mờ ală Đại sứ, kwang ala mat ală lơgar tàm mpồl tàm Hà Nội tus lùp lap mờ nting bơr chờ gờm di dơ̆ geh pồ lơh Củ tịc lơgar Kộng hòa xã hội củ nghĩa Việt Nam.

VOV4.K'Ho - Drim ngai 07/6, Củ tịc lơgar ồng Tô Lâm lòt còp, lơh broă mờ sền sơ wì broă lơh rơcang lài tam lơh bơh Mpồl ling dà lềng dê.

VOV4.K’Ho- Pơn jăt tai broă lơh tàm Pơrjum dơ̆ 07, drim òr (07/06), Quốk hội cri bơyai tàm hìu pơrjum dờng bè sền swì ring bal kờp sền jơh priă tă ai ngui kes priă dà lơgar nam 2022.

VOV4.K’Ho- Ngai 06/06, tàm ƀòn dờng Dà Làc, Ƀộ Thông tin mờ Truyền thông pơgồp bal mờ Ủy ƀan Ñân zân càr Lâm Đồng bơyai lơh pơrjum bơto pơlam mblàng yal yal tơngĭt rùp să muh mat lơgar Việt Nam.

VOV4.K’Ho- Mho ngai 06/06, tàm pơrjum dơ̆ 07, Quôk hội neh pồ Phó Củ tịc Quôk hội gơ wèt mờ mò Nguyễn Thị Thanh; sền swì ring bal jơnau dan bơh Thủ tướng Cíñ phủ dê bè broă pồ Phó Thủ tướng Cíñ phủ gơ wèt mờ ồng Lê Thành Long mờ Ƀộ trưởng Ƀộ Kwang àng gơ wèt mờ ồng Lương Tam Quang.

VOV4.K’Ho- Drim ngai 06/06, Thượng tướng ồng Nguyễn Tân Cương, Thứ trưởng Ƀộ Quôk phòng neh wă rò Đại tướng ồng Mao Sophan, Phó Kwang ătbồ Ling tam lơh hơđang ù gờl Hìu bơnhă Bơtau lơgar Campuchia dê.

VOV4.K'Ho- Do là ală phan brê kwơmàng ờ huan geh mờ geh ală anih lơh broă geh gơnoar tàm càr Dăk Lăk hòi jà làng bol jàu dờp is nàng tơngklàs rê wơl mờ tiah ơm kis brê bơnơm geh is.

VOV4.K’Ho- Drim òr (06/06), tàm ƀlàng tơ̆p ƀồc cau ling chơ̆t màng kơnhoàl tiah nhàr dà lơgar Ngọc Hồi, Tỉñ ủy, HĐÑZ, UɃÑZ, UɃMT Dà lơgar Việt Nam càr Kon Tum neh bơyai lơh ies mờ tơ̆p 16 ƀồc ntìng cau ling chơ̆t màng, cau jăk chài lơgar Việt Nam chơ̆t phi să tàm ală rài tam lơh tàm lơgar Lào mờ lơgar Campuchia geh Mpồl K53 càr Kon Tum jòi rồ tơrgùm geh tàm kàl prang pa do.

VOV4.K’Ho- Pơn jăt tai broă Pơrjum dơ̆ 07, Quốk hội Khoă XV, drim òr (06/06), Phó Thủ tướng Cíñ phủ ồng Trần Hồng Hà neh hơ tơn ală jơnau mờ ală kwang bàng Quốk hội lùp.