Do là dơ̆ 4, Thủ tướng geh mat nàng sền sơ wì, sồr lơh rơndap broă lơh ƀlàng rơndeh par ală lơgar Long Thành tàm rlau 2  nam do, ai gŏ bơta sền gròi uă ngan bơh Đảng, Dà lơgar dê gơ wèt mờ broă lơh do. Tàm dơ̆ lơh broă tàm anih lơh rơndap broă lơh, Thủ tướng ồng Phạm Minh Chính đơs loh, do là broă lơh pơrya bơh tơngai lơh broă Pơrjum dờng dơ̆ XIII bơh Đảng dê.

Den tàng, Thủ tướng sồr tơrmù lơyah tơngai lam lơh pơn drờm mờ lài hơ̆, mờ jơnau kờñ tus ngai 31/12/2025 pal lơh gơs broă lơh pơrya do nàng gờm chờ Pơrjum dờng Đảng gùt lơgar dơ̆ XIV, tơnkah 80 nam ngai sơn tờm dà lơgar, 50 nam ngai tơngklàs tiah đah jum, tơrgùm dùl dà lơgar. Thủ tướng sồr Ƀộ Gùng lòt mờ Pơndiang phan mhar yal kâp geh gơnoar in bè gùng dà broă lơh bơcri priă lơh gùng par mờ mù dơ̆ 2. Phó Thủ tướng ồng Lê Thành Long neh sồr tơn bè broă yal jơnau dan bơ tơl tơngume do tàm pơrjum dơ̆ 8, Quôk hội khoă XV.