Geh 36 rơndăp broă lơh gơwèt 06 gah broă tờm geh càr Dăk Lăk ai nàng hòi jà bơcri priă. Tàm hơ̆, geh 08 rơndăp broă bơ̆t bơtàu, 08 rơndăp broă gơwèt gah kă bro, broă lơh drơng ala, lòt nhơl.

Mìng is gah lơh sa suơn sre mờ lơh gơs phan bơh broă lơh sa suơn sre, càr Dăk Lăk geh bơta pràn uă ngan bơh broă lơh tus mờ lơh gơs phan. Mơya, tŭ do lơh sa mờ măi mok lơh gơs phan mìng rơ̆p di pal bơh 10 tus 15% kờp jơh khà phan dê. Di lah hòi jà geh cồng nha 08 rơndăp broă lơh sa suơn sre, lơh gơs phan lơh sa suơn sre tàm khà măt mờ Anih duh broă Làng bol càr pa tơlik, rơ̆p dong kờl làng bol iang nùs lơh sa mờ geh tơngu me lơh gơs ală tiah tam phan tơrgùm bal, kơl jăp, dong kờl lơh pràn broă lơh sa suơn sre jăt broă lơh sa tơrgùm bal, geh anih lơh tờm, gàr niam ală jơnau kờñ geh ai.