Mờ tơngume “Kơp kơnờm bơt bơtàu càr Dăk Lăk pas sơm, niam bơnĕ, gơguh jak, niam chài”, ngai chờ sơn đờm mut lơh broă neh bơyai lơh uă broă lơh tàm 3 anih là dơ̆ drà @BMT, gùng Dră kơphe Buôn Ma Thuột mờ Hìu bơsram Đại họk Tây Nguyên. 

Ală mpồl neh ràng tơlik, yal tơnggit mờr 150 anih ràng phan sơn đờm mut lơh broă bơceh lơh, phan OCOP, lơh sa mờ măi mok ƀòn lơgar, phan drơng lòt nhơl bơh ală mpồl lơh broă, mpồl lơh sa kă bro tàm càr dê. Bơyai lơh 2 dơ̆ pơrjum bè sơn đờm mut lơh broă tam gơl pa bơceh lơh mờ ală broă lơh bơto pơlam, tơm boh bơr, pơrjum tàm bơrkuăt bal kă bro, gơ hòi gơ jà gal ngan ală mpồl bal, mpồl lơh sa kă bro, cau dồ nă să tus bal, tă pơgồp uă broă lơh ngan ngồn ai broă lơh sơn đờm mut lơh broă tàm Dăk Lăk in.