Tổng Ƀí thư, Củ tịc lơgar đơs nền, dơ̆ lòt lơh broă dơ̆ do bơh mpồl dê geh gơtha kwơmàng ngan nàng kờñ lam lơh jăt broă rơndăp lơh lơh broă mờ lơgar ndai bơh Đảng mờ Dà lơgar dê mờ tus tŭ do neh lơh geh ală cồng nha niam ngan, drơng ai bơta bơtàu tơngguh bơh dà lơgar dê in; tơnggŏ broă lơh lơh broă mờ lơgar ndai lơh is, rơcăng lài is, tă pơgồp jơnau nùs tàm broă sền gàr ring lơngai, kơ̆ kơl jăp mờ bơta bơtàu tơngguh bal bơh dunia dê.

Tổng Ƀí thư, Củ tịc lơgar đơs nền Mỹ là dùl tàm ală ù tiah tờm tàm broă lơh lơh broă mờ lơgar ndai bơh lơgar Mỹ dê mờ là drà kă bro gam duh hồl ngan mờ bềng bơta pràn gơ wèt mờ ală mpồl lơh sa kă bro tàm lơgar. Broă bàr lơgar tơngguh geh gơnoar broă gĭt gơ̆p gơguh tus Tam klăc lơh broă bal jŏ jòng tơl làm neh pơgồp bơnah ai gĭt gơ̆p 2 lơgar ngai sơlơ ngan ngồn rlau, gơlòt mŭt ngan ngồn tàm jơh ală broă, bơh cíñ trị, kă bro phan, bơcri priă tus lơngăp lơngai, sền gàr dà lơgar.