Đơs tàm pơrjum, ala măt Cíñ phủ, Thủ tướng ồng Phạm Minh Chính đờp, jờng rơ mờ chờ gờm ală cồng nha kwơ màng mờ Đảng ƀộ, gơnoar atbồ, ling klàng bal mờ làng bol càr Đồng Nai neh lơh geh tàm tơngai do.

Thủ tướng đơs niam, rơndăp ù tiah càr Đồng Nai neh geh rơcang nền nòn, di pal, khoa họk; lơh geh tàm tơngu me ngui bơta geh krơi is, bơta niam pơnrơ, bơta kwơ tàm pơrlòng, kung bè bơsong ală bơta ờ pràn càr dê. Rơndăp ù tiah neh geh nùs nhơm, bồ tơngoh kơlôi sơnơng, jơnau kờñ bơtàu tơnguh tờm, lơh pràn; geh broă lơh, geh broă dong kờl niam, pờ geh gùng dà broă lơh, bồ tơngoh kơlôi sơnơng mờ bơta bơtàu tơnguh pa, ai geh bơta kwơ pa càr Đồng Nai in tàm bơta bal bơh ală càr, ƀòn dờng tàm gùt lơgar dê. Thủ tướng sồr ală Ƀộ, gah lơh broă Dà lơgar pơn jăt tai pơgồp bal lơh geh cồng nha rơndăp ù tiah càr Đồng Nai; bal mờ ală càr, ƀòn dờng tàm tiah do ngui bơta pràn tơrgùm bal tàm broă lơh geh cồng nha rơndăp ù tiah.