Bơh nam 2018 tus tŭ do, càr Dăk Lăk neh geh uă sră nggal lam lơh jat ngan ngồn ală tơngume Jơnau neh lơh nền dong kờl ală mpồl sơn đờm mut lơh broă tam gơl pa bơceh lơh dà lơgar tus nam 2025, lơh mờ ai ngui Anih sơnđờm mut lơh broă mờ Anih yal tơnggit jơnau điện tử Sơn đờm mut lơh broă tam gơl pa bơceh lơh càr dê; jat tơngai pơrgon bơyai lơh ală dơ̆ “Kơphe cau lơh sa kă bro” nàng dong kờl ală mpồl sơn đờm mut lơh broă.

Tus bal pơrjum, Phó Giáo sư – Tiến sĩ ồng Lê Đức Niêm, Phó Kwang atbồ Hìu bơsram Đại họk Tây Nguyên đơs là, ală broă lơh sơn đờm mut lơh broă tam gơl pa bơceh lơh tàm Dăk Lăk gam ơm tàm kâp 2, là kâp bơh bơnàng jă sơn rờp, ờ hềt sir. Den tàng, pal pơn jat tai lơh sir ală bơta bè priă bơcri, bơto bơsram… Ală cau ala mat kung đơs tus ală bơta ờ niam, ờ pràn tŭ do bơh ală mpồl sơn đờm mut lơh broă tam gơl pa bơceh lơh tàm Dăk Lăk, bơh hơ̆ geh ală broă lơh nàng pơn jat tai bơtàu tơnguh ală mpồl sơnđờm mut lơh broă jat di mờ gùng dà ai tơlik lài.