PC Dăk Lăk tă rơlao 500 tơlăk đong nàng dong kờl làng bol tiah gơtìp dà cò in
Thứ tư, 10:42, 25/09/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Kwang đơng lam bồ Kông ty ồs đèng Dăk Lăk neh jào khà priă 100 tơlăk đong tus Anih duh broă Mặt trận Dà lơgar Việt Nam càr Dăk Lăk nàng tus bal dong kờl làng bol ală càr đah Tô dà lơgar bơsong hoàc huơr bơh mìu càl rơbŭt dờng dà tih dà cò lơh aniai.
Mờ dờp bal jơnau hòi jà bơh Anih duh broă Mặt trận Dà lơgar Việt Nam, ồs đèng Dăk Lăk neh lam tơl nă kwang bàng cau lơh broă dong kờl ờ uă ngan dùl ngai priă nhai mờ neh tơrgùm geh kờp jơh priă là 387 tơlăk đong.
Khà priă do neh geh pơyoa tus Tổng kông ty ồs đèng Tiah tàm Gùl lơgar in nàng tơrgùm, lơh jăt ală broă dong kờl làng bol tàm tiah dà cò. Lài mờ hơ̆, Ồs đèng Dăk Lăk kung neh pơyoa sră còp să bal mờ khà priă 50 tơlăk đong tus Ồs đèng Lạng Sơn, pơgồp bal tàm broă dong kờl mpồl lơh oh mi bal bơsong phan bơna gah lơh ồs đèng gơtìp trồ tiah lơh aniai in.
Viết bình luận