Wă Kwang ătbồ Anih lơh broă ala măt lơgar Srilanka, Tổng Ƀí thư, Củ tịc lơgar ồng Tô Lâm pin dờn bal mờ mờng chài bơh dồ nă kwang bàng cribơyai broă mờ lơgar ndai mờng chài tàm broă lơh mờ gĭt wă jrô bè kơnhoàl ù tiah do, Kwang ătbồ Anih lơh broă ala măt lơgar Srilanka rơ̆p geh uă tă pơgồp geh kwơ ngan ai broă dong kờl gĭt gơ̆p đah Việt Nam mờ Srilanka bơtàu tơngguh niam bơnĕ. Dồ nùs bal mờ ală jơnau đơs bè gùng dà bơtàu tơngguh gĭt gơ̆p 2 lơgar tàm tơngai tus bơh Kwang ătbồ Anih lơh broă ala măt lơgar Srilanka dê, Tổng Ƀí thư, Củ tịc lơgar đơs là pal tơrgùm sơlơ tơngguh tai pin dờn cíñ trị; ală broă lơh tàm pơgơl mpồl kwang bàng lòt còp bal mờ gơ̆p mờ tìp măt kwang bàng kâp dờng mờ ală kâp.

Dồ ngai bal, wă 14 nă Kwang ătbồ Anih lơh broă ala măt mơkung lơh bal kơnòl broă tus jun Sră dà lơgar pơyua, Tổng Ƀí thư, Củ tịc lơgar ồng Tô Lâm kơ̆p kờñ là ală Kwang ătbồ Anih lơh broă ala măt ală lơgar tàm tơngai lơh broă rơ̆p lơh niam gơnoar broă “lơh kòn gùng” lơh bơyô mờ lơh broă bal, bơ̆t bơtàu mờ bơtàu tơngguh tai gĭt gơ̆p đah Việt Nam mờ ală dà lơgar mờ ală Kwang ătbồ Anih lơh broă ala măt lơgar he dê ala măt; mơkung đơs nền, Việt Nam rơ̆p ai tơl ală bơta nàng ală Kwang ătbồ Anih lơh broă ala măt ală lơgar in lơh niam kơnòl broă.