Tàm broă lơh, ală y ƀák sĩ tàm càr Dăk Lăk, Thừa Thiên - Huế mờ ƀòn dờng Hồ Chí Minh bal mờ ală cau lơh broă dong kờl is là cau đơs crih, cau bơceh jơnau đơs crih neh đơs uă jơnau đơs crih mờ jơnau kờñ pơyua bè bơta kờñ gơboh ƀòn lơgar, dà lơgar mờ kòn bơnus, bơta pơn yờ să jơi bơtiàn. 

Mpồl đơng lam broă lơh neh lơh nền lời jơh khà priă tă pơgồp geh tàm mang đơs crih nàng pà ală bơnah piang tàm ală hì sơnơm tàm 3 càr là Yên Bái, Tuyên Quang mờ Lào Cai, là ală càr gơtìp gơ rềng kơn jơ̆ ngan rlau jơh. Tơnơ̆ 8 nam lơh broă, tus tŭ do, broă lơh Preng piang tềng kơlik Buôn Ma Thuột neh hòi jà tă pơgồp geh 30 tơmàn đông, tơl nàng pà mờr 1 tơlak 500 rbô bơnah piang dong ală cau kòp mờ cau tờm hìu bơnhă cau kòp geh rài kis kal ke tàm 15 hìu sơnơm tàm càr Dăk Lăk.