VOV4.K’Ho- Càr Dăk Nông geh crơng gơs tàm ngai 01 nhai 01 nam 2004 tàm tơngu me tam klah dùl bơnah ù tiah mờ khà kờp làng bol bơh càr Dăk Lăk dê. Neh rơlao 20 nam crơng gơs, lơh sa mpồl bơtiàn càr Dăk Nông neh geh ală bơtàu tơnguh niam. Rài kis làng bol neh rơhời gơguh, phan bơna geh lơh pa, lơh niam wơl, pơgồp bal kwơ màng tàm broă ai càr Dăk Nông brồ guh, tơrgùm mờ broă bơtàu tơnguh bal bơh Tây Nguyên bal mờ gùt lơgar dê.

VOV4.K’Ho- Ngai do, 06/01, Thủ tướng Phạm Minh Chính đơng lam dơ̆ wă rò Thủ tướng lơgar Lào Sonexay Siphandone mờ pơ ùr còp ngan ngồn lơgar Việt Nam tàm 2 ngai bơh ngai 06 tus ngai 07 nhai 01.

VOV4.K'Ho - Di tơngkah kir sơnrai 78 nam ngai tĕ khà sơn rờp pồ Quôk hội Việt Nam (06/01/1946 – 06/01/2024), mang ngai 05/01, Ủy ƀan Thường vụ Quôk hội bơyai lơh dơ̆ jàu khà jờng sră ƀău gùt lơgar bè Quôk hội mờ Hội đồng Ñân zân geh sơn đan Diên Hồng dơ̆ 2 nam 2024 tàm Hà Nội.

VOV4.K’Ho- Dờp jơnau jà bơh Củ tịc Quốk hội Vương Đình Huệ, Củ tịc Quốk hội lơgar Bulgaria còp mùl màl lơgar Việt Nam bơh ngai 05 tus ngai 09 nhai 01 nam 2024.

VOV4.K'Ho - Drim ngai 05/01, Pơrjum tơn jơh broă lơh nam 2023, lam lơh kơnòl broă nam 2024 bơh Cíñ phủ mờ gơnoar atbồ kâp hơ đơm dê neh geh bơyai lơh tềng đap bơta đơng lam bơh Thủ tướng Cíñ phủ Phạm Minh Chính dê.

VOV4.K’Ho- Mho ngai 04/01, tàm Hìu duh broă Củ tịc, Củ tịc lơgar Võ Văn Thưởng, Củ tịc Mpồl duh broă Sền gàr dà lơgar mờ Lơngăp lơngai đơng lam dơ̆ pơrjum dơ̆ puan Mpồl duh broă Sền gàr dà lơgar mờ Lơngăp lơngai tơngai lơh broă bơh nam 2021- 2026.

VOV4.K’Ho- Mho mang ngai 04/01, tàm Hìu lơh broă Quôk hội, Củ tịc Quôk hội Vương Đình Huệ wă rò Phó Củ tịc Quôk hội lơgar Lào Chaleun Yiapaoher gam geh dơ̆ còp mờ lơh broă tàm lơgar Việt Nam.

VOV4.K'Ho - Drim ngai 04/01, tàm Hà Nội, Kiểm toán dà lơgar bơyai lơh Pơrjum lam lơh kơnòl broă mờ broă lơh đảng nam 2024. Kwang geh jơng tàm Ƀan Cấp hàñ Đảng dà lơgar, Phó Củ tịc Quôk hội Nguyễn Đức Hải neh tus bal mờ đơs đơng lam.

VOV4.K’Ho- Drim òr (04/01), tàm Hìu lơh broă Đảng Dà lơgar, đơng lam pơrjum tam jào broă lơh mờ ală mpồl Đảng, 4 cơl dŭ lơh broă, ală đảng ủy, anih lơh broă tàm Dà lơgar, mò Trương Thị Mai, Kwang geh jơng tàm Ƀộ Cíñ trị, Duh broă sùm Ƀan Ƀí thư, Kwang atbồ Mpồl rơndăp broă Đảng Dà lơgar sồr: Lơh ngan lơh gơs niam ală jơnau kờñ, kơnòl broă nam 2024 tàm bơh ngai bồ nhai, bồ quý, bồ nam, pơgồp bal kwơ màng tàm broă lơh gơs ală jơnau kờñ, kơnòl broă Pơrjum dờng dơ̆ 13 Đảng neh ai.

VOV4.K'Ho - Mho ngai 03/01, Thủ tướng Cíñ phủ Phạm Minh Chính tus bal pơrjum tơn jơh broă lơh nam 2023, lam lơh broă rơndap lơh nam 2024 gah lơh sa suơn sre mờ bơtàu tơnguh ƀòn lơgar.