Tàm dơ̆ bơyai lơh, Thủ tướng ồng Phạm Minh Chính đơs nền, lam lơh rơndap tap sèng phan bơna ndrờm bal, tam gơl pa là dùl tàm 3 bơta tam gơl pràn geh Đảng, Dà lơgar sền gròi uă ngan mờ sồr lam lơh.

Tàm dơ̆ bơyai lơh, Thủ tướng sồr ală ƀộ, gah broă lơh dà lơgar, anih lơh broă, mpồl lơh broă, cau tờm lơh pal lam lơh rơndap broă lơh jat nùs nhơm “bơyai lơh, ờ bơyai sơ lơŭ wơl”, “lam lơh 3 ka, 4 kíp”, “sa ndang, bic mhar”, “sơrlèt tơngai, jai trồ mìu”, lơh broă sùm jơh ngai rlô, ngai sa tềp, neh hơ pơrgon pal lơh gơtùi, broă lơh pal gàr bơta niam, bơta chài bơceh lơh, bơta lơngap lơngai, sền gàr tiah ơm kis, ờ tơnguh priă bơcri priă, rơcang sơndră bơta ờ niam, lơh ngan lơh gơs lài mờ ngai 31/12/2025, lơh gơs cồng nha chờ gờm Pơrjum dờng Đảng gùt lơgar dơ̆ XIV.