Lam lơh jat ală jơnau đơs tă pơgồp neh geh lơh nền “Tam dùl tơmàn tờm chi tơngai bơh nam 2021 tus nam 2025” bơh Thủ tướng Cíñ phủ dê, càr Lâm Đồng dờp tam 50 tơlak tờm chi ală bơta. Kờp tus jơh nam 2023, Lâm Đồng neh tam 26 tơlak 300 rbô tờm chi, lơh geh 52,5% broă rơndap lơh. Nàng gơtùi tam jơh khà tờm chi gam wơl, tàm nam 2024, Lâm Đồng geh jơnau kờñ tam rlau 13 tơlak 600 rbô tờm chi tàm gùt càr.

Đơs tàm dơ̆ lam lơh, ồng Nguyễn Thái Học, Atbồ ing Ƀí thư Tỉñ ủy càr Lâm Đồng đơs nền, tơl tờm chi tam ngai do rơp pơgồp bơnah lơh niam tiah ơm kis brê bơnơm, tơnguh khà jơm glòm brê mờ rơcang sơndră mờ tam gơl trồ tiah, dùl tàm ală bơta lòng dờng mờ kòn bơnus dunia gam pal kong. Tơnơ̆ dơ̆ lam lơh, rlau 1 rbô nă kwang bàng, công chức, mpồl phàu crong, làng bol mờ nac lòt nhơl neh tus bal tam 2 rbô tờm nho pe nha mờ 750 tờm mai añ đào jat kềng gah gùng kuèl Prenn, ƀòn dờng Dà Làc.