Tàm pơrjum dơ̆ do, Quôk hội rơp pồ Củ tịc lơgar, Củ tịc Quôk hội; sền sơ wì, ring bal 10 rơndap lơh adat boh lam; ai jơnau đơs tàm 11 rơndap lơh adat boh lam; kung bè lơh nền ală broă lơh sa – mpồl bơtiàn, kes priă dà lơgar, jat sền mờ ală broă kuơmàng ndai. 

Pơrjum dơ̆ do geh cau tĕ khà mờ làng bol sền gròi ngan, kơp kờñ Quôk hội ring bal Nghị quyết ai gơnoar Adat ù tiah geh lam lơh jat bơh ngai 01/7 tus do. Geh lơh tàm tŭ tơngai rài lơh sa lơgar he gam pal ơm tềng đap uă bơta lòng, cau tĕ khà mờ làng bol kơp kờñ ală kwang bàng Quôk hội tơnguh kơnòl broă, bồ tơngoh jak, cribơyai bal, jơh nùs tă pơgồp jơnau bơceh lơh nàng jòi geh broă lơh niam ngan rlau jơh tă bơsong kal ke ai rài lơh sa in, lam lơh gơtùi ală jơnau kờñ lơh sa- mpồl bơtiàn geh Quôk hội ai tơlik ai nam 2024 in, lơh gơlik bơnàng jă kơ̆ kơljap ai broă lơh gơs ală jơnau kờñ ai tơlik jơh gùt tơngai bơh nam 2021 tus nam 2025 in.