Tàm nam 2023, jơh gùt lơgar neh sền gŏ mờr 107 rơbô nă cau bơtờp kòp bơsiă gơlik mhàm, gơguh mờr 2 rơbô 300 nă cau kòp pơndrờm mờ nam 2022, ndrờm mờ pơgap 2,2%. Việt Nam kung gam là lơgar ơm dơ̆ 11 tàm 30 lơgar geh khà cau kòp bơsiă gơlik mhàm jơnhoa ngan rlau jơh gùt plai ù.  

Mìng is tàm càr Dăk Lăk tàm nam 2023 pa do geh rlau 1 rơbô nă cau bơtờp kòp bơsiă gơlik mhàm, gơguh pơgap 10% pơndrờm mờ ală nam 2022 mờ 2021, mơya gơmù uă pơndrờm mờ ală nam lài mờ tơngai kòp dờng Kovid-19. Jơnau tờm gơ bàn kòp bơsiă gơlik mhàm tàm càr Dăk Lăk gơguh tàm nam 2023 kong gơrềng tài bơh kòp dờng Kovid-19, tài bơh mpồl lơh sơnơm ƀòn lơgar tơrgùm tàm kơnòl broă rcang sơndră kòp.