Do là mpồl năc lòt nhơl dunia lòt mờ ơhò dà lềng sơnrờp tus mờ ƀòn dờng Đà Nẵng tàm nam pa 2024. Sở Zu lịc ƀòn dờng Đà Nẵng pơgồp bal mờ Kông ty Kổ phần Anih ơhò ơm Đà Nẵng, Mpồl ling sền gàr tiah nhàr lơgar Anih ơhò ơm Đà Nẵng mờ Kông ty jun pơndiang năc lòt nhơl Destination Asia bơyai lơh wă rò mpồl năc lòt nhơl tàm anih ơhò ơm Tiên Sa.

Năc lòt nhơl geh pà bơkào, phan lời kir mờ lam lòt sền ală tiah lòt nhơl. 2 rơbô nă năc lòt nhơl do uă ngan tus bơh lơgar Hà Lan, ală lơgar tàm câu Âu, Canada, Mỹ, Hàn Quốc, Nhờk mờ Australia. Năc lòt nhơl geh dùl ngai nàng tus sền ală tiah tiơng pơn rơ ngan bơh Đà Nẵng dê bè Tiah tềl lời wơl ù tiah niam ngan Ngũ Hành Sơn, Hìu Yàng Phờk Linh Ứng, Ƀảo tàng Trah mòn kòn cau prum Đà Nẵng. Kờp dŭ nam 2024 rơ̆p geh 45 dơ̆ ơhò dà lềng mờ rlau 40 rơbô nă năc lòt nhơl tus mờ Đà Nẵng.