Ngai 07/04, Sở Giáo dục mờ Đào tạo càr Điện Biên neh bơyai lơh dơ̆ lơh đơs pơnđick, tam ya gùng drà bơh kơnòm bơsram, cau bơsram dờng. Do là broă lơh geh ngan gờm chờ tơngkah kir sơnrai 70 nam tam lơh pha lin Điện Biên Phủ.

Broă lơh geh bơyai lơh bal tàm 4 tiah: ƀlàng dờng 7/05, ƀlàng dờng ƀòn dờng Điện Biên Phủ, ƀlàng bơyai lơh dơ̆ lơh chờ mờ ƀlàng rùp tam lơh pha lin Điện Biên Phủ. Sở Giáo dục mờ Đào tạo càr Điện Biên neh hòi tơrgùm 11 mpồl lơh broă, mờ rlau 2 rơbô 200 nă kơnòm bơsram, cau bơsram dờng tus bal lơh rlau 33 dơ̆ lơh mờ ală jơnau tamya xoè, jơnau tam ya cèng bềng bơhiàn niam chài bơh yau ală jơi bơtiàn, bè: Thái, Mông, Lào... bal mờ ală gùng tam ya duh hồl, pràn kơl dang ngan. Ală dơ̆ ràng tơlik geh lơh jat broă lơh tơn mờ tàm pơdar. Broă lơh nàng kờñ prap gàr mờ bơtàu tơnguh jơnau đơs pơnđick, gùng tam ya mờ ală gùng tam ya gùng drà tàm kơnòm bơsram, cau bơsram dờng; prap gàr bơta niam chài bơh yau làng bol jơi bơtiàn dồ ết nă cau tàm càr Điện Biên. Ngan là lơh gơrề uă rùp hin Điện Biên tus mờ gơ̆p bơyô rềp ngài, sơlơ bơtàu tơnguh lòt nhơl tàm tiah do dê.