Bơtàu tơnguh lòt nhơl pơgồp bal mờ sền gàr Brê dà lơgar Chư Mom Ray
Thứ ba, 13:44, 19/03/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Brê dà lơgar Chư Mom Ray, càr Kon Tum gam lơh mhar broă bơcri priă bơtàu tơnguh lòt nhơl tiah niam brê bơnơm. Do là gùng dà broă lơh bơh Brê dê nàng gàr geh priă jền drơng broă atbồ sền gàr brê, do là tiah geh sền là li la bơta siñ họk uă tàm ală Brê dà lơgar gùt lơgar dê.
Tàm tơngu me 3 tiah lòt nhơl pa geh UɃÑZ càr Kon Tum dờp là Tiah lòt nhơl niam brê bơnơm kấp càr dê, Brê dà lơgar Chư Mom Ray gam pơgồp bal mờ ờ uă mpồl lơh broă tàm gah lòt nhơl bơyai lơh sền, git broă lơh kờñ bơcri priă mờ lơh gơs dơ̆, gùng lòt nhơl mùl màl.
Tàm hơ̆, tơrgùm lơh bơta kwơ ù tiah niam neh geh is nàng lơh gơs ală phan lòt nhơl sền nàng git; bơta kwơ bè niam chài nàng bơtàu tơnguh lòt nhơl mpồl bơtiàn. Ồng Đào Xuân Thủy, Kwang atbồ Mpồl atbồ Brê dà lơgar Chư Mon Ray pà git, broă lơh mhar bơtàu tơnguh lòt nhơl là dùl gùng dà broă lơh bơh Brê dê nàng gàr tơl priă ai broă atbồ sền gàr brê in.
Viết bình luận