Yal tàm dơ̆ pơrjum pà gŏ, tàm quí 1, tàm jơh gùt lơgar, ală broă lơh bơceh jơnau cih, dơ̆ bơyai lơh ràng tơlik, yal tơngĭt ală jơnau cih, đơs crih tam ya geh bơyai lơh duh hồl, mờ ală broă lơh li la uă ngan, lơh geh jơnau kờñ niam li la làm uă bơh làng bol dê.

Bè kơnòl broă qúy 2 nam 2024, ồng Nguyễn Minh Nhựt, Kwang atbồ Vụ Văn hóa, Văn nghệ, Ƀan Tuyên giáo Dà lơgar pà gĭt, Liên hiệp mờ ală mpồl, ală anih lơh broă geh gơrềng tơrgùm bơsram lơh jat jrô ơnàng làm uă tơl làm ală nùs nhơm, gùng dà broă lơh bơh Đảng, Dà lơgar dê bè niam chài, cau cih jơnau, cau đơs crih tam ya ai gal ngan mpồl cau cih jơnau, cau đơs crih tam ya in. Pơn jat tai rcang lơh broă rơndăp lơh, bơto pơlam sồr ngan ală mpồl, mpồl tàm ƀòn lơgar tus bal lơh jat ală broă lơh gờm chờ ală broă lơh cíñ trị, ngai chờ dờng bơh Dà lơgar dê bè dơ̆ tơngklàs tiah đah Jum tơrgùm dùl Dà lơgar 30/04, Ngai dunia lơh broă 1/05; 70 nam tam lơh pha lin Điện Biên Phủ.