Mùl màl, “Sề khoàng lŭ Thác Hai: mờ 250 bơta sề, tàm hơ̆ geh 200 nơm sề khoàng gam bè ờs mờ 50 rùp phan sề khoàng; geh Ƀảo tàng càr Dăk Lăk pơgồp bal mờ Ƀảo tàng Lịc sử Dà lơgar jòi rồ geh tàm Tiah Tềl tơngŏ phan yau lời wơl Thác Hai, gơwèt thôn 6, xã Ia Jlơi, kơnhoàl Ea Súp, càr Dăk Lăk.

Tiah Tềl gŏ phan yau lời wơl Thác Hai geh jòi gŏ bồ nam 2020, rồ dơ̆ sơnrờp tàm nhai 3 tus nhai 4 nam 2021; dơ̆ bàr bơh nhai 11 nam 2021 tus nhai 5 nam 2022. Bơh tŭ hơ̆ ai gŏ geh cờn niam chài lơ-ŭt di pơgăp 2 thơ̆k, tàm dơlam geh ală tềl tơngŏ bè ƀồc tơ̆p cau, bơtô ù jù bal mờ uă phan lời wơl bè: kơƀàng tồl, sùng, phan pờng kơmhò chi mờ lŭ, ù buh, phan khàr, rơlao 1 rơbô nơm sề khoàng lŭ ală bơta mờ git nđờ jơ̆t rơbô nsàng bơcah dềt. Jăt ală cau chài đơs, phan khoàng lŭ Thác Hai là geh gŏ pa ngan bè dùl anih lơh khoàng lŭ dờng bơh rài Tơnơ̆ rài Lŭ pa tàm tiah Tây Nguyên dê.