Bal mờ tơnggume “80 nam mpong ntas sùm jơnau đơs crih jờng rơ bơta khin cha jak chài”, Pơrlòng đơs crih tam ya làng bol mpồl phàu crong mờ ơruh pơnu, cau bơsram dờng dơ̆ X, Tiah II gơhòi tơrgùm geh 22 mpồl đơs crih tam ya, bal mờ mờr 2 rbô nă cau đơs crih tam ya tàm ală mpồl, ală tiah gơ wèt ù tiah tàm gùl lơgar mờ Tây Nguyên.

Bal mờ jơnau kwơmàng tơngkah kir sơnrai 70 nam Tam lơh pha lin Điện Biên Phủ, 80 nam Ngai tơlik măt Ling klàng Làng bol Việt Nam, 35 nam Ngai chờ jơh gùt làng bol sền gàr dà lơgar, 49 nam Ngai tơngklàs jơh gùt tiah đah Jum tơrgùm dùl dà lơgar, Pơrlòng nàng kờñ sền wơl cồng nha đơng lam, sồr lơh, lam lơh jăt srơh đơs crih tam ya làng bol tàm kâp hơđơm; ai tơl bơta, tŭ niam nàng ală anih lơh broă, mpồl lơh broă tàm dơlam mờ bơdìh Ling klàng in tìp măt lơh kwèng, lùp bơsram, ai jơnau bơsram mờng chài mờ ai geh gùng dà lơh pràn, tơngguh uă bơta niam srơh niam chài đơs crih tam ya làng bol.